Një ushtar ka vdekur pas një sulmi shpërthyes nga disidentët e Forcave të Armatosura Revolucionare të Kolumbisë (FARC) të shpërbëra në departamentin jugperëndimor të Kaukës, tha ushtria kolumbiane.

“Ne shprehim ngushëllimet tona më të thella për familjen dhe miqtë e tij, të cilët i shoqërojmë në këtë moment të vështirë. Ne nderojmë kujtimin e ushtarit tonë, i cili dha jetën për mbrojtjen e kolumbianëve”, tha Divizioni i Tretë i Ushtrisë Kombëtare në rrjetet sociale.

Sipas Ushtrisë, vdekja e ushtarit ka ndodhur të mërkurën kur ai dhe shokët e tij po kryenin një operacion kërkimi dhe kontrolli ndaj një grupi personash që po përdornin një motoçikletë.

Motoçikleta shpërtheu “papritur”, duke lënë “të plagosur” dy oficerë të tjerë me uniformë, të cilët janë në spital në gjendje të qendrushme.

Ministria e Mbrojtjes dënoi sulmin dhe u zotua se do t’i përgjigjet me forcë përshkallëzimit të dhunës, e cila deri më tani ka lënë më shumë se 80 persona të plagosur në departamentin e Kaukës.

(A.A/BalkanWeb)