Efektet e ndryshimeve klimatike të shkaktuara nga njeriu po ndjehen nga një në pesë njerëz në mbarë botën, zbuloi një raport i ri.

Raporti i publikuar nga Climate Central, një organizatë e pavarur shkencore, zbuloi se të paktën 1.8 miliardë njerëz – 22% e popullsisë globale – përballeshin me temperatura të ndikuara ndjeshëm nga ndryshimet klimatike çdo ditë nga dhjetori 2024 deri në shkurt 2025.

Gjatë tre muajve të fundit, ndryshimi i klimës i shkaktuar nga njeriu, kryesisht nga djegia e qymyrit, naftës dhe gazit metan, shkaktoi nxehtësi ekstreme të përhapur në shumicën e rajoneve.

Gjatë kësaj periudhe, pothuajse 394 milionë njerëz u përballën me 30 ose më shumë ditë me “nxehtësi të rrezikshme” të intensifikuar nga ndryshimet klimatike, me 74% të tyre që banojnë në Afrikë.

Ditët e “vapës së rrezikshme” përkufizohen si ditë me temperatura që tejkalojnë 90% të temperaturave tipike lokale nga viti 1991 deri në vitin 2020, gjë që rrit rrezikun e problemeve shëndetësore të lidhura me nxehtësinë.

Ekspozimi më i lartë global ndodhi më 28 shkurt 2025, zbulon hulumtimi, kur tre miliardë njerëz – 37% e popullsisë – përjetuan temperatura të tilla.

(A.A/BalkanWeb)