Neymar u largua nga Barcelona për të mos qenë më nën hijen e Leo Messit dhe me shpresën se te PSG do të fitonte diçka të rëndësishme në aspektin personal, “Topin e Artë” mbi të gjitha, një ëndërr e cila është e destinuar të mbetet e tillë, të paktën për momentin. Mgjth transferimi në Paris bëri që Neymar për një moment të jetë mbi të gjithë, fitoi statusin e lojtarit më të shtrenjtë në botë me një shifër rekord 222 milion euro, shifër e cila e lejon të jetë ende në majën e listës më të kushtueshme në botë.
Në vendin e dytë me 145 milion euro qëndron Coutinho, kalimi i tij nga Liverpool te Barcelona bëri shumë buje por po aq bujë po bë fakti se Barça e ka nxjerr në shitje.
Podiumin e lojtarëve më të shtrenjtë e mbyll Kylian Mbappe me 135 milion euro. Sipas të gjithë gjasave sulmuesi francez pritet të marrë vendin e Neymar sezonin e ardhshëm ku është projektuar një kalim i tij te Real Madrid.
Është vetëm 19-vjeç po Joao Felix ka shkruar menjëherë historinë duke u shndërruar në lojtarin më të shtrenjtë te Atletico Madrid. 127 milion euro i kushtoi Atleticos transferimi i sulmuesit portugez.
Në vendin e 5-të me 125 milion euro pozicionohet Dembele, një tjetër dështim i Barcelonës, një sulmues që u transferua me shumë buje por që është vendosur shumë shpejt në listën e lojtarëve që mund të largohen.
Me 117 milion euro, C.Ronaldo u transferua nga Real Madrid te Juventus, në Itali u pagëzua si goditja e shekullit.
Pogba është një nga lojtarët më të kërkuar në europë, tre sezone me parë u largua nga Juve te Man.United për 105 milion euro, francezi renditet në vendin e 7-të.
Gareth Bale vijon të jetë pjesë e listës së lojtarëve më të shtrenjtë në botë pavarësisht se Reali e ka nxjerrë në shitje, një futbollist që i kushtoi presidentit Perez 101 milion euro.
Në vendin e 9-të kemi të ardhmen e Realit, Eden Hazard, një operacion që i kushtoi klubit spanjoll 100 milion euro.
C.Ronlado është një nga lojtarët më të mirë në botë, është i vetmi futbollit që renditet dy herë në këtë listë. 94 milion euro i kushtoi Ronaldo presidentit Perez dhjetë vite me parë, në atë kohë Ronaldo ishte lojtari më i shtrenjtë në histori.
(BalkanWeb)
