Dhjetë persona humbën jetën dhe pesë të tjerë u zhdukën gjatë 24 orëve të fundit pasi shirat e dendur dhe erërat e forta shpërthyen në të gjithë Sri Lankën, tha Qendra e Menaxhimit të Fatkeqësive (DMC).

Shumica e vdekjeve u raportuan në kryeqytetin Colombo pasi ra mbi 150 mm shi.

Ministria e Shëndetësisë tha se kishte udhëzuar të gjithë drejtorët shëndetësore në provinca të jenë në gatishmëri dhe gati për çdo situatë emergjente në spitale.

Ministria tha se kishte bërë të gjitha masat për të transportuar pacientët në gjendje kritike në spitalet më të mëdha pasi përmbytjet po përkeqësohen.

Departamenti i Meteorologjisë paralajmëroi për reshje të dendura shiu në të gjithë vendin brenda 48 orëve të ardhshme, ndërsa DMC tha se operacionet e shpëtimit janë duke u zhvilluar.

Publikut i është kërkuar të qëndrojë në shtëpi dhe të shmangë hyrjen në zonat e përmbytura.

Ministria e Arsimit tha se shkollat do të qëndrojnë të mbyllura për shkak të reshjeve të tjera që priten.

 (A.A/BalkanWeb)