Me një video brenda një palestre në të cilën ai pozon me një bluzë me mëngë të shkurtra në ngjyrat e Francës dhe një palë doreza boksi të vendosura mbi supe, Emmanuel Macron dërgoi mesazhin e tij të hënën në mëngjes, 200 ditë para nisjes këtë vit të Lojërave Olimpike në Francë.
“Ne do të organizojmë në Francë Lojërat Olimpike dhe Paralimpike, lojëra të gjelbra që do të respektojnë marrëveshjen e Parisit”, dëgjohet duke thënë Macron, duke iu referuar marrëveshjes së nënshkruar në 2015, e cila parashikon një qëllim për të mbrojtur klimën.
Përveç mesazhit mjedisor, në videon e presidentit francez ka edhe një mesazh barazie teksa thotë se “do të organizojmë lojëra të barazisë me sa më shumë sportistë meshkuj dhe femra”.
— Emmanuel Macron (@EmmanuelMacron) January 8, 2024
“Ne do të presim ndeshje në të gjithë vendin nga Parisi në Marsejë. Më shumë se 70 autoritete lokale që marrin pjesë në ngjarje do të përfshihen”, shton Macron.
Në mbyllje, ai u kujton francezëve se “ne e kemi bërë të detyrueshëm sportin çdo ditë për 30 minuta në shkollat fillore dhe kemi përfshirë më shumë sporte në shkollat e mesme” dhe i fton ata që “të bëjnë sport çdo ditë për 30 minuta, nëse mundeni edhe më shumë, por në të paktën 30 minuta sepse bën mirë për shëndetin tuaj.”
