Forcat detare algjeriane shpëtuan 23 emigrantë pa dokumente me origjinë afrikane pasi varka e tyre u gjet e bllokuar në brigjet veriore të vendit, njoftoi Ministria e Mbrojtjes.

Operacioni i shpëtimit, u zhvillua afërsisht 20 milje detare në veri të Cap Djinet në provincën Boumerdes, rreth 60 kilometra në verilindje të kryeqytetit Algjer.

Operacioni pason një rritje të kohëve të fundit në përpjekjet për migrim përgjatë kufijve të Algjerisë. Javën e kaluar, Roja Bregdetare kapi 78 emigrantë në det, ndërsa njësitë e ushtrisë ndaluan 145 të tjerë që tentonin të kalonin kufijtë tokësorë të vendit.

Algjeria është një rrugë kryesore tranziti për migrantët nga Afrika Sub-Sahariane që përpiqen të arrijnë në Evropë përmes Mesdheut.

(A.A/BalkanWeb)