Një grup prej 316 emigrantësh venezuelianë mbërritën nga Meksika me një fluturim të linjës ajrore shtetërore Conviasa.

Të riatdhesuarit përfshijnë 174 të rritur, si dhe 142 fëmijë dhe adoleshentë, njoftoi Venezolana de Television shtetëror.

Raporti thoshte se mbi 3,000 venezuelianë ishin kthyer në vendin e tyre përmes të ashtuquajturit Plani i Kthimit në Atdhe gjatë tremujorit të parë të vitit.

I nisur në vitin 2018, Plani Kthimi në Atdhe është një nismë për të ndihmuar qytetarët të kthehen me mbështetjen e qeverisë.

Autoritetet venezueliane kanë treguar se shumë nga emigrantët që kthehen nga Meksika kanë ardhur fillimisht nga Shtetet e Bashkuara.

 

(A.A/BalkanWeb)