Të paktën katër fermerë u mbytën dhe tre të tjerë janë zhdukur pasi varka e tyre u përmbys në një lumë në rajonin Katavi në Tanzaninë jugore, tha një zyrtar tanzanian.

Mwanamvua Mrindoko, komisioneri rajonal i Katavi, tha se aksidenti ndodhi të premten në mbrëmje. Varka, e cila mbante gjithashtu 10 thasë me oriz, u përmbys në lumin Ukingwamizi në rrethin Mlele. Shtatë persona arritën të notojnë.

Ekipet e shpëtimit, të udhëhequr nga Forcat e Zjarrfikësve dhe Shpëtimit të Tanzanisë, gjetën trupin e një fermeri të shtunën dhe tre trupa të tjerë u gjetën të dielën, tha Mrindoko.

“Ekipet e shpëtimit janë ende në kërkim të tre fermerëve të zhdukur”, tha Mrindoko, duke shtuar se lumi ishte i tejmbushur për shkak të reshjeve të dendura të vazhdueshme muajin e kaluar.

(A.A/BalkanWeb)