Një gjykatë në Ekuador dha të premten dënime me burg për pesë persona të shpallur fajtorë për vrasjen e kandidatit presidencial Fernando Villavicencio .

Gazetari dhe ish-ligjvënësi Villavicencio u qëllua teksa po largohej nga një tubim në gusht 2023, duke u bërë viktima më e spikatur e dhunës spirale të Ekuadorit .

Prokurorët akuzuan të paktën dy nga ata që u gjykuan se i përkisnin bandës kriminale Los Lobos, mes 22 bandave kriminale të përcaktuara si terroriste nga Presidenti Daniel Noboa në janar.

Sipas zyrës së prokurorit të përgjithshëm, Carlos Edwin Angulo Lara, i njohur si ‘El Invisible’ (‘I padukshmi’), dha urdhër për vrasjen e Villavicencio nga burgu, ndërsa Laura Dayanara Castillo ishte përgjegjëse për logjistikën.

Të dy Angulo dhe Castillo u dënuan me 34 vjet e tetë muaj.

Erick Ramirez, Victor Flores dhe Alexandra Chimbo u dënuan me 12 vjet.

Prokurorët janë duke ndërmarrë një hetim të veçantë se kush e ka kërkuar vrasjen.

Një nga vrasësit vdiq në skenën e vrasjes së Villavicencio dhe shtatë të dyshuar të tjerë – kryesisht qytetarë kolumbianë  u vranë në tetor ndërsa mbaheshin në burgje në paraburgim.

Miqtë dhe familja e Villavicencio kanë dënuar vonesat e shumta dhe kanë kërkuar hetime se kush e urdhëroi vrasjen.