TIRANE
Ish-kryeministri Sali Berisha shprehet se Shqipëria është kthyer si Afganistani, pasi në 7 ditët e fundit janë bërë 5 vrasje. Berisha shprehet se java me 5 të vrarë u mbyll “me Kongresin e suksesit të partisë së pushtetit të krimit”.
Postimi i Berishës:
5 të vrarë në 7 ditë në Shqipëri! 3 në gjithë Europën pa Shqipërinë! Ngushëllime të ndjera për familjet e tyre. Miq, Shqipëria sot mund të krahasohet vetëm me Afganistanin ose Libinë. Ajo mbylli javën me pothuaj dyfishin e të vrarëve të të gjithë Europës. Në dy raste vrasësit u dorëzuan vetë, ndërsa në tre rastet e tjera ata u larguan në drejtim të paditur se kishin punë, ishin delegatë në kongresin e suksesit të partisë të sojit të tyre. Kurse narko-policia mori nga reanimacioni madje me serum për në komisariat protestuesin armik.
Java me 5 të vrarë u mbyll me Kongresin e suksesit të partisë së pushtetit të krimit. Suksese!
(BalkanWeb)