Kanë përfunduar 3 takimet e mbrëmjes të vlefshme për raundin e 1/8-ve të Ligës së Europës. Napoli ka shkëlqyer me Elseid Hysajn titullar, duke mposhtur Salcburgun me rezultatin e pastër 3-0. Mbrojtësi shkodran u aktivizua gjatë gjithë takimit, duke bërë një paraqitje të kënaqshme me skuadrën e kaltër.
Një fitore me aromë kualifikimi edhe për Çelsin që mposhti 3-0 Dinamon e Kievit, duke hedhur një hap të sigurt drejt kualifikimit.
Në sfidën tjetër atë mes Valencias dhe Krasnodarit, spanjollët arritën të triumfonin me rezultatin e ngushtë 2-1, duke lënë gjithçka të hapur, në sfidën e kthimit.
REZULTATET:
Çelsi-Dinamo Kiev 3-0
Pedro 18′, Uillian 65′, Odoi 90′
Napoli-Salcburg 3-0
Milik 10′, Ruiz 18′, Onguene 58′
Valencia-Krasnodar 2-1
Rodrigo 12′, 24′ / Klaeson 63′
Panoramasport