E padrejtë dhe johumane. Kështu artistja Pamela Anderson, ish ylli i Baywatch, e ka quajtur trajtimin e drejtësisë britanike ndaj Julian Assange, pasi e ka vizituar aktivistin australian, themeluesin e Wikileaks, në burgun e sigurisë së lartë të Belmarsh, në të cilin ndodhet pas arrestimit, bërë i mundur muajin e kaluar nga ana e Ekuadorit, pas azilit 7 vjet më parë në ambasadën në Londër.
Artistja, e cila është një mbështetëse e flaktë e Assange, me të cilin është në një lidhje të ngushtë personale, i ka kërkuar mes lotëve ndihmë opinionit publik.
’Do të jetë një luftë e gjatë’, kundër ekstradimit në SHBA dhe ‘ai’-ka thënë ajo- ka nevojë për mbështetjen tonë. Ka sakrifikuar shumë për të na treguar të vërtetën, tani ne duhet t’i shpëtojmë jetën, kjo është ajo për të cilën bëhet fjalë’, ka thënë Anderson.
