Një aksident është regjistruar mbrëmjen e sotme në Fushë-Milot. Mësohet se një kamionçinë ka përplasur 2 këmbësorë, të cilët janë nisur me urgjencë drejt spitalit të Traumës.
Lajmi konfirmohet për “BalkanWeb” nga gazetari Elidon Ndreka.
Sipas informacioneve paraprake, drejtuesi i mjetit është shoqëruar nga policia, ndërsa po punohet për zbardhjen e plotë të ngjarjes.
Njoftimi i policisë:
Kurbin/Informacion paraprak
Rreth orës 20:00, në aksin rrugor Thumanë-Milot, në vendin e quajtur Fushë Milot, shtetasi E. I. duke drejtuar mjetin e tij kamionçinë, ka aksidentuar dy këmbësorët S. M. dhe K. M. të cilët janë transportuar në Spitalin e Traumes Tiranë për ndihmën e nevojshme mjekësore.
Drejtuesi i mjetit është shoqëruar në ambientet e Policisë për veprime të mëtejshme hetimore procedurale.
Grupi hetimor në vendin e ngjarjes vazhdon veprimet hetimore për zbardhjen e plotë të rrethanave të aksidentit.
(BalkanWeb)
