Gjigandi i teknologjisë koreano-jugore Samsung Electronics do të vendosë një mjet përkthimi dhe interpretimi në kohë reale të bazuar në inteligjencën artificiale në një smartphone të ri në vitin 2024, tha një përfaqësues i grupit sot për AFP.
Kjo veçori do të jetë e disponueshme në Samsung Galaxy të ardhshëm që do të dalë në fillim të vitit 2024, sipas të njëjtit burim.
Ai do të lejojë që “fjalimi dhe tekstet në kohë reale të përkthehen gjatë një komunikimi”, shpjegoi i njëjti zëdhënës, pa specifikuar se sa gjuhë do të jenë të disponueshme.
Falë “inteligjencës artificiale që do të ndërtohet” në këtë telefon celular të ardhshëm, mjeti do të funksionojë edhe nëse njëri nga pjesëmarrësit nuk përdor një model Samsung.
Të flasësh me dikë në një gjuhë tjetër duke përdorur inteligjencën artificiale do të jetë “aq e thjeshtë sa vendosja e titrave” të një seriali, siguroi Samsung në një deklaratë, duke shtuar se bisedat private do të mbrohen në telefonat inteligjentë.
Samsung i Koresë së Jugut është prodhuesi më i madh i telefonave inteligjentë në botë. Ajo përbënte një të pestën e shitjeve totale në treg nga korriku deri në shtator, përpara Apple (16%), sipas specialistit Counterpoint.
