Sezoni i ri ka nisur në mënyrën më të mirë të mundshme për Arbnor Mujën. Si fillim ftesa me Kombëtaren shqiptare dhe 2 paraqitje të mira në shtator, kundër Çekisë dhe Polonisë. Më pas 14 prezenca në kampionat dhe 4 gola të shënuar tek Antwerp në Belgjikë.

Tetori do të ishte akoma më me fat, pasi Muja gjen golin e parë në grupet e Champions League, i pari edhe për ekipin në këtë kompeticion. Klubi belg, përmes faqes zyrtare në “Twitter”, ka përzgjedhur golin e Mujës si më të bukurin e muajit tetor.

Muja i shënoi Shakhtar Donetsk në ndeshjen e dytë në grup, pavarësisht se ukrainasit e përmbysën dhe fituan 3-2. Në atë ndeshje mjaftuan vetëm tri minuta lojë që Muja ta dërgonte topin në rrjetë.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: