Sofia Vergara foli për transformimin e saj për serialin e ardhshëm të Netflix-it, “Griselda”.

Aktorja 51-vjeçare tregoi më shumë për filmin e ardhshëm biografik të mbretëreshës së drogës kolumbiane, Griselda Blanco, e cila krijoi një nga kartelet më fitimprurëse në histori.

Në një intervistë të fundit për E!News, Sophia deklaroi: “Më duhej të zhdukesha. Ishte në Miami në vitet ’70 dhe ’80. Për mua ishte shumë e rëndësishme të merrja pamjen e duhur.”

Regjisori Andrés Baiz theksoi se transformimi fizik i Sofias ishte “një nga aspektet më të vështira” të shfaqjes: “Ajo që vendosëm ishte që ajo duhet të jetë e ndryshme nga Sofía, por ne nuk duhet të imitonim Griselda Blanco-n.”

Parukierja e saj Kelly Kline dhe artisti i grimit Todd McIntosh zbuluan se transformimi i saj përfshinte 5 paruke për të përshkruar periudha të ndryshme kohore.

Për më tepër, ata krijuan për të vetullat protetike, një hundë false dhe dhëmbë të zverdhur të rremë. Sofia gjithashtu modifikoi më tej karakterin e saj duke ndryshuar edhe qëndrimin e saj teksa Griselda plaket gjatë gjithë serialit.

Bashkë-krijuesi Eric Newman shtoi se pas transformimit të Sofias, askush nuk mund ta dallonte nëse ishte ajo.

“Në kohën kur doli nga traileri i grimit, ajo ishte Griselda. Dhe kjo është arsyeja pse Sofia është kaq e përsosur,” -tha ai.