Recetë nga znj Eneida
Përbërësit
4 kokrra vezë
6 lugë sheqer
10 lugë miell
2 lugë çaji pluhur pjekës
500 ml qumësht
200 ml pana
4 lugë qumësht të kondensuar të ëmbël
Për karamelin:
2 gota ujë
2 gota sheqer
2 lugë niseshte
Përgatitja
Rrahim vezët me sheqerin derisa të bëhen shkumë. Shtojmë miellin, pluhurin pjekës dhe trazojmë. E shtrojmë në një tavë me letër pjekjeje dhe e pjekim për 15 min në 200 gradë.
Më pas e shpojmë me një shkop.
Përgatisim një masë me qumështin e ëmbël, dhe panën. Presim sa ta përthithë keku dhe shtrojmë karamelin nga lart.
Për karamelin, në një tenxhere shkrijmë një gotë sheqer deri sa të karamelizohet. Në një tas shkrijmë gotën tjetër me sheqer, niseshten dhe ujin. E shtojmë te sheqeri i shkrirë me ngadalë, nga një garuzhde duke trazuar dhe e ziejmë 5 minuta. E lëmë të ftohet pak dhe ia shtojmë kekut lart. E presim pasi të jetë ftohur dhe masa të ketë ngrirë.
