NBA vijon të dhurojë emocione të mëdha. Boston Celtic triumfoi 118:84 ndaj Miamit Heat, një sukses i merituar me serinë 4-1. Me nga 25 pikë shkëlqyen Jaylen Brown dhe Derrick White, 17 pikë nga Sam Hauser, ndërsa 16 i takojnë Jayson Tatum. Me këtë fitore, Boston Celtic kalon kështu në fazën tjetër.
Pavarësisht se te Miami Heat spikati Bam Adebayo me 23 pikë, ekipi nuk ia doli dot, duke marrë kështu një disfatë të hidhur. Boston Celtic do të përballet me fituesin e Cleveland Cavalier-Orlando Magic.
Dallas Mavericks mundi me rezultatin 123:93 Los Angeles Clippers. Një super Luka Doncic me double-double prej 35 pikëve e 10 asistimeve mori “për dore” skuadrën, në këtë fitore të madhe. Tashmë, Maverick udhëheq në seri ndaj Clippers 3-2, duke treguar edhe një herë forcën, në një nivel kaq të lartë.
(J.S/BalkanWeb)
