Mozzik e ka gati albumin e tij të ri. Prej kohësh, reperi ka njoftuar se do të sjellë një album dhe ka ngacmuar herë pas here ndjekësit në rrjetet sociale. Postimet e tij kanë patur si fjalë kyçe “mërgim” duke lënë të kuptohet se do të lidhej me historinë e tij, por tani gjithçka ka marrë kuptim.
Në postimin e fundit, Mozzik ka zbuluar titullin dhe kopertinën e albumit. Ai ka përdorur pasaportën e tij gjermane të cilën sipas të dhënave të shkruara, ka arritur ta marrë në 1 janar 2024. Titulli i albumit është zbuluar është “Mërgimstar”.Reperi shkruan se ky album ka qenë i lodhshëm, por çdo gjë ia ka vlejtur.
Në të do të gjejmë një përzierje emocionesh të tij dhe më shumë nga Mozziku i vërtetë. Në ditët në vijim, ai shkruan se do të publikohet edhe lista e 20 këngëve si dhe data e lançimit. Ndërkohë, priten surpriza që nuk i kemi parë më parë.
1 vit punë intensive qe realisht ka qenë e lodhshme shumë, më ka marrë kohë shumë por ia ka vlejtur çdo ditë e natë. Energjia ime ka folur më së shumti këtë herë, shpirti im ka folur më së shumti këtu, truri im ka pëshpëritur më së shumti këtë herë. Emocion, dhimbje, mërzi, gëzim e dashuri e një miks emocionesh janë derdhur në këtë album. Plot 20 këngë e ku secila është perlë më vete, secila është ndryshe nga tjetra. Ky është cover-i, datën e lançimit dhe listën e këngëve do e zbulojmë në ditët në vijim. E normale që ka për të pasur surpriza e gjëra që nuk janë bërë asnjëherë më parë.
