Kryeministri Edi Rama përmes një postimi në rrjetet sociale ka publikuar nje prej veprave  që do të jetë pjesë e ekspozitës‘’In motion – Art & Football”  që do mbahet në Muzeun e Futbollit Gjerman në Dortmund.

Rama thotë se kjo ekspozitë gërsheton botën e futbollut me atë të artit, teksa pjesë do të jetë edhe piktura e Guri Bardhit, e realizuar më 1986.

Postimi i plotë:

PIKTURA SHQIPTARE NË EURO2024

“Kur nuk shkojnë në stadium”, e realizuar në vitin 1986, nga piktori Guri Madhi, bëhet pjesë e ekspozitës “In motion – Art & Football” në Muzeun e Futbollit Gjerman, në Dortmund.

Ekspozita gërsheton botën e futbollit dhe të artit. Në një sipërfaqe prej rreth 1000 metrash katrorë, një instalacion hapësinor mundëson ndërveprim mes veprave artistike që trajtojnë temën e futbollit në modernizmin europian të shekullit të 20-të.