Kolumbia, një vend me traditën më të gjatë të ndeshjeve me dema dhe që qeveriset që nga viti 2022 nga e majta, votoi dje, të martën, për ndalimin e ndeshjeve me dema nga viti 2027, duke iu bashkuar listës së vendeve të Amerikës së Jugut që e ndalojnë atë.
“Ne e beme ate. Sot, pas më shumë se shtatë vitesh luftime për ndalimin e ndeshjeve me dema, ne mund t’u njoftojmë mijëra qytetarëve jetëdashës se Kolumbia është çliruar nga kjo torturë e kafshëve e maskuar si një kulturë,” tha Juan Carlos Losada, një kongresmen që mbështeti projektligjin përkatës.
Projektligji ka qenë një nismë e deputetëve të mjedisit dhe nuk do të hyjë në fuqi për tre vjet. Ai u miratua në parlament me 93 vota pro dhe dy kundër.
Gjatë kësaj periudhe “tranzitore”, shteti duhet të garantojë punësim alternativ për personat e varur drejtpërdrejt ose tërthorazi nga ndeshjet me dema dhe të përshtatë arenat e vendit për aktivitete sportive dhe kulturore, ndërkohë që do të ketë ende mundësi për adoptimin e demave.
“Është një stacion historik”, deklaroi deputetja ekologjike Losanda. Kolumbia “doli nga lista e trishtuar” e vendeve “ku luftimi me dema, torturimi i kafshëve, konsiderohet një element i kulturës”.
¡Es ley de la República! Lo logramos, se acaban las corridas de toros en mi Colombia. Es uno de los días más felices de mi vida. GRACIAS desde el corazón, gracias a quienes nos abrieron camino, gracias al Congreso, gracias a la vida. pic.twitter.com/qOBjCsJa2A
— 🍃Esmeralda Hernández🍃 (@EsmeHernandezSi) May 28, 2024
Presidenti i Kolumbisë, Gustavo Petro, i ka drejtuar përmes X-it “urime atyre që më në fund arritën ta bëjnë vdekjen jo spektakël”.
Quiero felicitar a mis compañeros del Congreso: la Senadora @EsmeHernandezSi y el Representante @JuanKarloslos, y todos los movimientos animalistas @PlataformaALTO por este importante logro histórico para Colombia 🇨🇴.
¡Prohibidas las corridas de toros en Colombia!#NoMásOlé 🐂 pic.twitter.com/DaC0kTqZya
— Alejandro Ocampo (@alejoocampog) May 29, 2024
Në vitin 2018, Gjykata Kushtetuese kishte lejuar ndeshjet me dema në qytete dhe fshatra që kishin këtë traditë dhe ua kishte lënë kryebashkiakëve vendosjen e çdo kufizimi. Kështu, në Bogotá dhe Medellin (Kolumbia veriperëndimore), ndeshjet me dema nuk lejohen nga viti 2020.
Përkundrazi, në Cali (në jugperëndim), qyteti i tretë më i madh i vendit dhe Manizales (perëndimi qendror), ndeshjet me dema janë në qendër të festimeve tradicionale. Mbarështimi i bagëtive është gjithashtu shumë i rëndësishëm në Kolumbi, një vend me një popullsi prej 52 milionë banorësh.
Kolumbia i bashkohet kështu listës së vendeve të Amerikës së Jugut që ndalojnë ndeshjet me dema, si Brazili, Kili, Argjentina, Uruguai dhe Guatemala. Ato lejohen në Peru, Venezuelë, Ekuador dhe Meksikë.
