Në letër, B.Dortmund nuk vjen si favorit në këtë finale, por diskutimi ishte i njëjtë edhe kur u shortuan në një grup me Milan, PSG dhe Newcastle. Nuk ishin favorit as kundër PSG, por në fund i kaluan çdo pengesë duke siguruar një biletë për në finale. Tani që ndodhen në “Wembley”, Terzic dhe djemtë e tij kërkojnë edhe trofeun:

“Është një finale dhe ne nuk jemi këtu vetëm për ta lozur, por për ta fituar. Ne jo favorit? Kështu ishim edhe në grup, kështu ishim edhe kundër Atletico Madrid dhe PSG. E sigurt është se ne nuk zbresim në fushë për të bërë të mundur që Reali të fitojë trofeun”, u shpreh Edin Terzic.

(BalkanWeb)