Organizata Ndërkombëtare për Migracionin (IOM) tha se 995 emigrantë u kapën dhe u kthyen në brigjet e Libisë gjatë javës së kaluar.
“Nga 26 maji deri më 1 qershor 2024, 995 emigrantë u kapën dhe u kthyen në Libi”, thuhet në një deklaratë të IOM-it, duke shtuar se mes tyre janë 38 gra dhe 17 fëmijë.
Deri më tani këtë vit, gjithsej 7,059 emigrantë janë kapur, ndërsa 282 vdiqën dhe 449 të tjerë u zhdukën në brigjet e Libisë, tha IOM.
Në vitin 2023, numri i përgjithshëm i emigrantëve të kapur dhe të kthyer ishte 17,190.
Që nga rënia e Muammar Gaddafit në vitin 2011, pasiguria dhe kaosi që pasoi në Libi kanë shtyrë shumë emigrantë, kryesisht nga Afrika, të përpiqen të kalojnë Detin Mesdhe për të arritur në brigjet evropiane.
(A.A/BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
