Fermerët polakë kanë protestuar në pikën kufitare të Ukrainës për shkak të importeve bujqësore nga vendi që ndodhet nën agresionin rus prej më shumë se dy vitesh. Fermerët në Poloni kanë organizuar demonstrata në kufi që nga vjeshta e kaluar për shkak të importeve nga Ukraina, të cilat sipas tyre kanë ndikuar në prodhimin vendas. Gjithashtu demostruesit polakë kanë bllokuar kamionët që vijnë nga Ukraina që të kalojnë kufirin.

Mosmarrëveshjet mbi importet e të korrave kanë tensionuar marrëdhëniet midis Varshavës dhe Kievit, me të dy vendet që janë prodhuesit kryesorë bujqësorë. Fermerët polakë janë ankuar se produktet ukrainase krijojnë konkurrencë të pabarabartë, veçanërisht që kur BE hoqi tarifat në vitin 2022.