Aksident i rëndë treni në Pardubice, në Çekinë qendrore, ku një tren pasagjerësh dhe një tren mallrash janë përplasur.
Mediat e huaja raportojnë se të paktën katër persona vdiqën dhe dhjetëra u plagosën, disa në gjendje të rëndë. Kështu ka bërë të ditur kompania hekurudhore Sprava Zeleznic. Zjarrfikësit ndodhen në vendngjarje duke punuar për të nxjerrë udhëtarët nga rrënojat e vagonëve.
Rreth 300 pasagjerë po udhëtonin me trenin ekspres nga Praga për në Kosice, Sllovaki. Aksidenti ka ndodhur në orët e vona të mbrëmjes së djeshme, pranë stacionit të trenit Pardubice, rreth 100 km në lindje të Pragës.
(BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
