Ish-presidenti i Kroacisë, Stipe Mesiç ka thënë se Bashkimi Evropian është shtëpia e përbashkët për vendet e rajonit dhe se NATO është ombrella e sigurisë.

Mesiç në seancën solemne të Kuvendit të Kosovës për nder të 25-vjetorit të çlirimit nga forcat okupuese serbe, tha se Ushtria Çlirimtare e Kosovës me ndihmën e bashkësisë ndërkombëtare, veçmas NATO-s, parandaloi një krim masiv në Kosovë.

Ai vuri në dukje edhe sfidat aktuale të sigurisë në Ballkanin Perëndimor, veçmas në Kosovë dhe Bosnjë Hercegovinë, raportojnë mediat e Kosovës.

Mesiç theksoi se arkitektura e kufijve në rajon ka përfunduar me shpalljen e pavarësisë së Kosovës.

(Balkanweb)