Shqipëria zhvilloi sot seancën e dytë stërvitore, në prag të sfidës së dytë në Grupin B, atë përballë Kroacisë.
Mbrojtësi i kombëtares, Mario Mitaj doli në një konferencë ku iu përgjigj pyetjeve të gazetarëve. Humbja me Italinë, tha Mitaj, tanimë është harruar dhe se fokusi do të jetë Kroacia përballë të cilëve kuqezinjtë do të luajnë të mërkurën.
Në kërkim të heroit, cili mund të jetë ndaj Kroacisë?
Jemi një shtet i vogël, duhet të jemi të gjithë si grup. Nëse duhet me patjetër një emër them se Broja mund të jetë hero.
Sa ndryshon Kroacia nga italia? Kemi shance per pikë?
E kemi harruar Italine dhe mërzinë qe na shkaktoi ajo humbje. Po përgatitemi, po analizojmë kundërshtarin, do futemi ne fushë me personalitet. Shpresojmë të marrim një pikë të paktën.
Gabimet e tua perosnale erdhën si pasojë e ngarkesës emocionale? Çfarë ndjesie të dha prezenca e tifozëve?
Kur futem ne fushe më ikin emocionet. Kam vetëm emocione pozitive kur futem në fushë. Në ndeshje ndodh që të ketë gabime.
Përgatitjet për ndeshjen me Kroacinë. A eshtë kundërshtari direkt për vendin e 3-të?
Nuk nënvlerësojmë asnjë kundërshtar. Te gjithë kundërshtarët janë njësoj. Jemi ne grupin e vdekjes. Shpresojmë për rezultat të mirë.
Mund të menaxhohej më mirë avantazhi? Pse patët vështirësi në fillim te lojës?
Në pjesën e dytë u furnizova me më shumë pasime, në pjesën e parë pata pak kontakt me topin.
Ka shumë lajme rreth të ardhmes Tuaj. Lazio? Do doje të luaje në Serie A?
Se kam menduar të ardhmen time. E kam mendjen te kombëtarja.
Pse ishte një black out fillim i ndeshjes? Cila ishte arsyeja?
U emocionuam në çastet e para pas golit, u kthyem shumë shpejë në mbrojte.
Cfare duhet te ndryshojmë me Kroacine, çfarë ju tha Sylvinho?
Trajneri na tha se kemi bere një paraqitje te mirë. Duhet të përmirësojmë kryesisht goditjet standarde.
Te rasti i golit te Bastoni. Çfarë çaloi kush duhet ta mbulonte?
Mund te jete faji im ose i Seferit. Duhet te gjithë si skuadër të mbroheshim më mirë. Duhet te përmirësohemi ne stërvitje.
Në Dortmund rekord përkrahje nga tifozët, e prisni edhe Hamburg?
Besoj qe po. Varet nga ata por besoj se do të jenë të shumtë edhe Hamburg.
Si i shihni mundësitë e kualifikimit, kur do të kemi përballë Spanjën dhe Kroacinë?
Të futemi në lojë e t’i marrim ndeshjet me radhë. Shpresojmë në rezultat pozitiv.
Lum kritikash këto dite. Sidomos për Hysaj, të vjen keq për të?
Nuk është bukur të kritikosh nje lojtar. Hysaj ka kontribuar shumë për kombëtaren, ka dhënë shpirtin.
Keni diskutuar me trajnerin? Ca ndryshon nga Italia? Sa informacion keni për këtë skuadër? Çfarë ideje keni arritur te krijoni? A është e ndryshme përgatitja?
I dimë cilësitë e Kroacisë. Sot do bëjmë stërvitje të plotë. Do t’i analizojmë më shumë taktikisht dhe si do të futemi në fushë. Kroacia të gjitha repartet i ka të forta. Sidomos mbrojta është pika më e fortë e tyre.
S’paske frikë nga sulmuesit?
Janë ekip i kompletuar. Por mbrojta ka më shumë kualitet.
A ka atmosferë pozitive në skuadër?
Eshtë atmosferë e mirë. Jemi grup harmonik. Duhet ta shijojmë këtë evropian.
Ndikoi ngarkesa psikologjike me Italinë?
E kem respektuar kundërshtarin. Me Kroacinë të futemi me psikologjinë e duhur. S’e besoj se ka luajtur rol, ishim 11 kundër 11. Ata ishin më të mirë se ne, ndaj fituan.
(BalkanWeb)
