Kryetarët e komunave Timço Mucunski dhe Arben Taravari do të ulen në karriget ministrore për punë të jashtme dhe tregti dhe për shëndetësi pa e zgjidhur çështjen nëse komunat Aerodrom dhe Gostivar do të shkojnë në zgjedhje për gjashtë muaj apo do të presin zgjedhjet e rregullta lokale në vjeshtë 2025.
Ndryshimet në Ligjin për Vetëqeverisje Lokale nuk do të hyjnë në procedurë parlamentare para formimit të qeverisë së re, të udhëhequr nga Hristijan Mickoski, edhe pse qeveria i paralajmëroi së bashku me ligjin për riorganizim të qeverisë. Opozita LSDM dhe Fronti Evropian ende nuk kanë vendosur nëse do t’i mbështesin ndryshimet.
Meqenëse është një ligj sistematik, për të cilin është e nevojshme një shumicë prej dy të tretash dhe Badenter, ose Mickoski do të bëjë marrëveshje të re me liderin e BDI-së, Ali Ahmeti, ose me Koalicionin VLEN, që është propozues i ndryshimeve të ligjit, votat e nevojshme për “Badenter” do t’i kërkojnë deputetët e komuniteteve më të vogla në LSDM dhe të Majtën, që është opsioni më pak i dëshirueshëm
Ligji është dorëzuar në Kuvend
Mandatari Mickoski mbrëmë gjatë promovimit të kandidatëve për ministra nga OBRM-PDUKM dhe koalicioni tha se pret mbështetje të pakushtëzuar nga të gjitha partitë për Ligjin për Vetëqeverisje Lokale, me të cilin parashihet që të mos ketë zgjedhje të parakohshme në komunat kryetarët e të cilave do të kalojnë në pushtetin ekzekutiv, nëse zgjedhjet lokale janë më pak se dy vjet larg. Ai theksoi se edhe pse OBRM-PDUKM është politikisht i konvenon për të mbajtur zgjedhje, kjo nuk duhet të jetë mënyra se si të sillen politikanët.
“Ligji është dorëzuar në Parlament. Pres që të gjithë deputetët të votojnë pa kushte, sepse edhe pse OBRM-PDUKM-së i përshtatet politikisht që tani të ketë zgjedhje, ne duam të jemi një qeveri që do të jetë përgjegjëse dhe nuk do të ketë standarde të dyfishta. Vlerësojmë që paratë e qytetarëve nuk duhet të shpenzohen shtesë, ato zgjedhje në disa komuna mund të kushtojnë një milion euro. Këto janë para me të cilat mund të ndërtojmë një bulevard, një çerdhe, të rinovojmë një shkollë, në vend që t’i ngacmojmë qytetarët me lojërat tona politike në nëntor dhe dhjetor, pastaj në shtator dhe tetor edhe një herë”, tha Mickoski.
