Një trafik i rënduar është shënuar mesditën e kësaj të shtune në autostradën Tiranë-Elbasan.

Trafiku është regjistruar në Bradashesh, pranë hyrjes së qytetit të Elbasanit.

Siç shihet nga pamjet e siguruara nga Balkanweb, ka radhë kilometrike në autostradë.

Shumë persona zgjedhin në fundjavë të kalojnë jashtë kryeqytetit, ku kryeqendra e festimeve është Korça, ku po mbahet edhe eventi më i madh veror i përvitshëm, Festa e Birrës Korça.

(Balkanweb)