Tre persona u vranë dhe 5 të tjerë u plagosën në një sulm me thikë në qytetin perëndimor gjerman të Solingen të premten, njoftuan mediat gjermane.

Sipas raportimeve, një burrë goditi me thikë rastësisht kalimtarët në një festival që festonte 650 vjetorin e qytetit.

Festivali u pezullua përkohësisht. Ngjarja ndodhi në Fronhof, një treg në qendër të qytetit, ku ishte ngritur një skenë për muzikë live.

Kryebashkiaku Tim Kurzbach tha në një postim në Facebook se “këtë mbrëmje, ne në Solingen jemi të gjithë në shok. Të gjithë donim të festonim së bashku përvjetorin e qytetit tonë dhe tani kemi të vdekur dhe të plagosur për të vajtuar.”

“Më thyhet zemra që ndodhi një sulm në qytetin tonë,” shtoi ai.

Autoritetet u kërkuan banorëve të largoheshin nga qendra e qytetit, sipas  Solinger Tageblatt.

Oficerët e armatosur janë aktualisht në vendngjarje dhe kanë rrethuar zona të mëdha të qytetit.

Solingen ka një popullsi prej rreth 160,000. Ndodhet pranë qyteteve më të mëdha të Këlnit dhe Dyseldorfit në shtetin më të populluar të Gjermanisë, North Rhine-Westphalia.

(A.A/BalkanWeb)