Policia ka publikuar detaje në lidhje me ngjarjen e mbrëmshme në zonën e Astirit në kryeqytet, ku mbeti i vrarë Amarildo Hoxhallari.
Blutë njoftojnë se krahas autorit, është arrestuar edhe shoku i viktimës, i cili drejtonte motomjetin në gjendje të dehur.
Pas plagosjes, Hoxhallari tentoi të largohej nga vendgjarja me shokun e tij i cili drejtonte një motomjet.
Njottimi:
Specialistët e Sektorit për Hetimin e Krimeve të Rënda arrestuan shtetasin D. K., 25 vjeç, banues në Tiranë, për veprat penale “Vrasja me dashje” dhe “Prodhimi, mbajtja, blerja apo shitja pa leje e armëve të ftohta”, parashikuar nga nenet 76 dhe 279 të Kodit Penal, dhe shtetasin A. M., 33 vjeç, banues në Tiranë, për veprën penale “Drejtimi i automjeteve në mënyrë të parregullt”, parashikuar nga neni 291 i Kodit Penal.
Shtetasi D. K., ditën e djeshme, në Unazë të Re, ka goditur me mjet prerës shtetasin A. H., 34 vjeç, i cili si pasojë e plagëve të marra ka humbur jetën në spital, ndërsa shtetasi A. M., drejtuesi i motomjetit ku ndodhej 34-vjeçari që ka ndërruar jetë, ka rezultuar se drejtonte motomjetin në gjendje të dehur.
