Detaje të reja janë zbuluar në lidhej me atentatin ndaj Elis Rroshkodolit në Shkodër.

Gazetari Senad Nikshiqi raporton se 36-vjeçari i ruhej një atentati, duke qenë se në çantën e dorës që iu gjet në vendngjarje, ishte edhe një armë zjarri me fishekun gati për qitje.

Mësohet se Rroshkodoli ka humbur jetën menjëherë në vendngjarje, ku edhe ndodhen forca të shumta policore, të cilat po punojnë për dokumentimin e plotë të ngjarjes.

Kujtojmë se 36-vjeçari ishte arrestuar në vitin 2014 për vjedhje në Belgjikë dhe 2023 i dyshuar për një plagosje në Rumani, nga aty dyshohet se u arratis drejt Stambollit.

E shkuara e viktimës është pista ku edhe po hetohet si motiv për ngjarjen e rëndë.

(BalkanWeb)