Pak minuta më parë një ngjarje tronditëse ka ndodhur në Korçë, ku 45-vjeçari, i identifikuar si Bledar Trendafili, ka djegur me benzinë bashkëshorten e tij me të cilin ishin në proces divorci.
Policia ka zbardhur detaje në lidhje me ngjarjen e rëndë.
Mësohet se 45- vjeçari sapo i ka vënë flakën bashkëshortes është larguar menjëherë nga vendngjarja. Ndërkohë vijon puna për kapjen e tij.
Korçë/Informacion paraprak
Rreth orës 16:30, në lagjen nr. 2, Korçë, në rrugë, shtetasi B. T., 45 vjeç, ka tentuar të djegë me lëndë djegëse benzinë bashkëshorten,( në proces divorci dhe aktualisht jetojnë të ndarë), shtetasen M. T., 31 vjeçe.
Shtetasi B.T, pasi i ka hedhur lëndën djegëse në trup shtetases M.T dhe e ka ndezur është larguar me shpejtësi.
Si pasojë shtetasja M. T., ka pësuar djegie në trup dhe është dërguar menjëherë në spital për ndihmë mjekësore.
Shërbimet e Policisë janë vënë në ndjekje të 45 vjeçarit.
Grupi hetimor nën drejtimin e Prokurorisë ndodhet në vendngjarje dhe po punon për sqarimin e rrethanave dhe dokumentimin ligjor të rastit.
Ndërkohë shërbimet e Policisë vijojnë kontrollet për kapjen e autorit.
