Medon Berisha, futbollisti i kombëtares tonë, u përgjigj pyetjeve të gazetarëve pas barazimit 0-0 të Lecces ndaj Torinos.

“Është një pikë e mirë, por ne e dimë se mund të kishim fituar. Në qendër mund të shprehem më mirë, kuptohem mirë me shokët e skuadrës dhe e lexojmë mirë situatën”.

Për vendin e titullarit –  “Në stërvitje gjithmonë përpiqem të jap më të mirën time, në fund shpërblehem. Kur jep më të mirën, kënaqësia vjen dhe kështu është më mirë”.

“Unë jam gjithmonë gati, është e rëndësishme të jem në dispozicion të trajnerit. E mësova se do luaja pak para ndeshjes, por nuk ishte problem. Jemi një ekip cilësor. Tani duhet të sigurojmë vazhdimësi, unë mendoj se ata(Torino) ishin të befasuar nga ne”.