Zyra e Sherifit në qarkun e Martin në Florida ka publikuar pamjet e para të të dyshuarit për tentativën e vrasjes të Donald Trump, Ryan Routh, teksa arrestohet.

Kamerat e vendosura në uniformat e zyrtarëve policorë shfaqin oficerët e armatosur duke i bërtitur të dyshuarit, nga i cili kërkojnë që të lëvizë mbrapa. Duke mbajtur duart pas kokës, oficerët i afrohen me kujdes, më pas ia vendosin duart poshtë dhe e arrestojnë.

Nga Zyra e Sherifit po ashtu janë publikuar fotografitë e Routh, ku shihet teksa qëndron pranë oficerëve pak sekonda pas arrestimit të tij.

Kjo është tentativa e dytë për ta vrarë ish-presidentin amerikan Donald Trump, i cili javë më parë u ballafaqua me një situatë të ngjashme.

(Balkanweb)