Gjermania do të miratojë afro 400 milionë euro ndihmë ushtarake për Ukrainën.

“Duke pasur parasysh situatën e përkeqësuar vazhdimisht ushtarake në Ukrainë, ekziston një rrezik serioz që Ukraina, pa mbështetje të konsiderueshme materiale të shtuar, mund të mposhtet në fushatën e saj të mbrojtjes”, thuhet në një letër ku njoftohet mbështetja ushtarake.

Bëhet e ditur se Ministria e Financave, pas një kërkese të Ministrisë së Mbrojtjes, kërkon miratimin e shpenzimeve shtesë nga komisioni i buxhetit i dhomës së ulët të parlamentit, shkruan Reuters.

“Nevoja e paplanifikuar e rezultuar prej rreth 397 milionë eurosh është konkretizuar vetëm në javët e fundit në masën që plotëson kërkesat kushtetuese dhe buxhetore të një nevoje të paplanifikuar”, tregon letra.

Kjo duhet të plotësohet menjëherë për të zbatuar masat në vitin 2024, në mënyrë që ato të kenë ndikim gjatë pjesës së mbetur të vitit, sipas Ministrisë së Financave.