Zonja miqësore me flokët gri është Alice Walton. 74-vjeçarja ka një pasuri prej 98.7 miliardë dollarësh (rreth 88 miliardë euro), qenë kështu gruaja më e pasur në Botë.

Sipas Forbes, Walton, më e vogla nga katër fëmijët e themeluesit të supermarketit Walmart, Sam Walton dhe gruas së tij Helen, la pas trashëgimtaren e L’Oréal, Françoise Bettencourt-Meyers, e cila ka një pasuri prej 77.1 miliardë euro.

Por për Alice Walton nga Newport, Arkansas, jo çdo gjë ka ecur shkëlqyeshëm, pasi ajo është përgjegjëse edhe për një aksident të rëndë që i mori jetën nënës së dy fëmijëve, edhe pse nuk u hetua.

Sam Walton hapi supermarketin e tij të parë “Walton’s”, në vitin 1950. Pas 12 vitesh, pason dyqani nr. 2, tashmë me emrin “Walmart”. Ky duket se ishte edhe guri i themelit për një perandori mbarëbotërore (më shumë se 10,500 degë) dhe një trashëgimi prej miliarda dollarësh për fëmijët e tij Rob, John, i cili vdiq në një aksident ajror, Jim dhe Alice.

Themeluesi i Walmart shkroi për vajzën e tij të vetme në librin e tij të kujtimeve të vitit 1992 “Made in America”: “ajo është si unë – por është edhe më e paqëndrueshme se unë”.

Alice, me diplomë universitare në ekonomi dhe financë, vazhdimisht e gjen veten në konflikt me ligjin.

Në vitin 1983, makina e saj doli nga rruga ndërsa ishte me pushime në Acapulco (Meksikë). Pasojat: një këmbë e thyer dhe një çalim i lehtë që vazhdon edhe sot.

Një tjetër aksident në prill 1989 pati pasoja shumë më të këqija: Alice po udhëtonte përmes Fayetteville (Arkansas) me një Porsche kur 50-vjeçarja Oleta Hardin doli në rrugë. Walton aksidentoi nënën e dy djemve, e cila vdes menjëherë. Ndaj Alice nuk do të ngrihet asnjë akuzë.

Në ditëlindjen e saj të 62-të, Walton kaloi një natë në burg sepse nuk pranoi të bënte një test alkooli.

Po atë vit, më 11 nëntor 2011, Walton hapi Muzeun Crystal Bridges të Artit Amerikan në Arkansas – me një koleksion arti me vlerë më shumë se 500 milionë dollarë.

Tashmë ajo ka thyer shifrën e 100 miliardëve dhe tani është gruaja më e pasur në botë

Pasioni i saj për artin dhe kuajt

Si një dhjetë vjeçare, Walton bleu fotografinë e saj të parë – një printim të “Blue Nude” të Picasso (1902) – për rreth 2 dollarë

Pasioni i saj i dytë i madh janë kuajt. Ajo edukoi “miqtë fisnikë” me katër këmbë në fermën e saj në Teksas deri në vitin 2015, më vonë shiti fermën e kuajve dhe iu përkushtua tërësisht artit dhe fondacionit të saj, “Fondacioni Alice L. Walton”.

Alice Walton u martua dy herë dhe u divorcua dy herë, por nuk pati fëmijë.