Ushtria izraelite e njohur si IDF ka njoftuar se ka kryer sulme ajrore mbi kryeqytetin libanez – Bejrut.

Izraeli i ka cilësuar sulmet si të “shënjestruara”, dhe se lidhur me detajet për këtë do të informojnë më vonë, shkruajnë mediat e huaja.

E mediat libaneze raportojnë se sulmi ka ndodhur në Dahiyeh që njihet si “strofulla” e Hezbollahut.

Ndërkaq nga sulmet ajrore izraelite mbi Libanin, deri më tani janë vrarë mbi 500 persona dhe mbi 1 mijë tjerë janë plagosur.

Si kundërpërgjigje ndaj këtyre sulmeve, Hezbollahu ka shkrepur mbrëmë qindra raketa në drejtim të territorit të Izraelit.