Pasi ka arritur fitoren e parë në kampionat, Roma po përgatitet të rikthehet në Europa League, kompeticion në të cilin ka qenë protagoniste në dy sezonet e fundit. Të enjten në orën 21:00, ekipi kryeqytetas gjen Athletic Bilbaon, në një ndeshje ku synohet suksesi. Numri një i pankinës së Romës, Ivan Juric, iu përgjigj pyetjeve të gazetarëve në konferencën për shtyp.

“Nuk kemi vendosur ende se kush do të dalë në fushë. Nesër kemi seancën e fundit stërvitore për të vendosur se kush do të luajë. Patjetër që do të bëjmë disa ndryshime. Por ende nuk kemi vendosur se kush do të dalë në fushë.

“Ne do të përgatitemi si për të gjitha ndeshjet, ne e përgatisim ndeshjen në të njëjtën mënyrë. Nuk ndryshojmë asgjë. Koncepti është gjithmonë i njëjtë. Japim maksimumin për fitoren” – tha Juric.

(J.S/BalkanWeb)