Një aksident ka ndodhur pak minuta më parë në aksin Fier -Levan në vendin e quajtur “Kthesa e liqenit”, ku një automjet tip “Volsvagen” ka humbur kontrollin duke dalë nga rruga dhe ka përfumduar në kanal.

Gazetarja Marsela Topi raporton për Balkanweb se menjëherë në vendngjarje ka mbërritur një patrullë policie dhe autoambulanca, që kanë shoqëruar drejtuesin e mjetit në spitalin rajonl të Fierit.

I plagosuri ka marrë dëmtime të lehta dhe është jashtë rrezikut për jetën .Policia po punon për zbardhjen e shkaqeve të aksidentit në fjalë.

“Rreth orës 10:50, në aksin rrugor “Fier-Levan”, shtetasi N. R., 31 vjeç, banues në Patos, duke drejtuar automjetin, ka humbur kontrollin e për pasojë ka dalë nga rruga.

Si pasojë e daljes së automjetit nga rruga është dëmtuar shtetasi N. R., i cili ndodhet në spital për ndihmë mjeksore, jashtë rrezikut për jetën.

Grupi hetimor po punon për sqarimin e plotë të rrethanave të aksidentit”, tha policia.

(Balkanweb)