Yussuf Poulsen, lojtari i Leipzig ka pranuar se ndeshja në Champions League ndaj Juventusit do të jetë mjaft e vështirë. Poulsen, ndër të tjera u shpreh se bardhezinjtë janë grup i fortë.

“Ne e dimë që Juventusi është një ekip shumë i mirë dhe po kalon një sezon të mrekullueshëm. Ne absolutisht do të duhet të bëjmë më të mirën para tifozëve tanë të cilët do të mbushin “Red Bull Arena” dhe do të na shtyjnë përpara me mbështetjen e tyre.

Duhet theksuar se ne patëm gjithashtu një fillim të mirë të sezonit. Nuk më ka pëlqyer kurrë të flas për individë, mbi të gjitha besoj se Juventusi është i fortë si ekip, si kolektiv, kompakt” – Tha ai.

(J.S/BalkanWeb)