Dortmund kërkon fitoren ndaj Celtic, në ndeshjen e vlefshme për Champions League. Trajneri i verdhezinjve, Nuri Sahin, në konferencën për shtyp u shpreh se është i vetdijshëm se përballë do ketë një skuadër me cilësi.

“Celtic është një ekip i fortë, i vështirë për t’u përballur kudo që luan ndaj tij”.

“Po flasim për një ekip që nuk ka humbur për shumë ndeshje dhe nuk ka pësuar asnjë gol në ligën e tyre. Ata ishin shumë dominues në ndeshjen e tyre të parë në Champions League.

“Do të jetë një sfidë e vështirë për ne, por në të njëjtën kohë një sfidë e madhe edhe për ta. Duke luajtur në stadiumin tonë unë pres me padurim mbështetjen e tyre për të arritur me sukses misionin tonë.

“Unë nuk mendoj se është e drejtë t’i quash Celtic të dobët. Kjo është një ndeshje delikate, që duhet menaxhuar me kujdes, pasi ata janë të fortë fizikisht. Ne kemi shumë për të treguar dhe për të shkuar sa më larg”, tha Sahin.

(J.S/BalkanWeb)