Kryeministri sllovak Robert Fico bëri thirrje për një fund të shpejtë të konfliktit aktual midis Rusisë dhe Ukrainës.

Ai tha se konflikti është “një fatkeqësi për të gjithë” dhe theksoi se çdo luftë duhet të përfundojë në tryezën e bisedimeve.

Duke folur në një konferencë shtypi përpara një sesioni të përbashkët midis qeverive sllovake dhe ukrainase të planifikuar për të hënën e ardhshme, Fico shprehu angazhimin e Sllovakisë për të ruajtur marrëdhëniet miqësore me Ukrainën.

Megjithatë, udhëheqësi sllovak shprehu gjithashtu synimin e tij për të rivendosur lidhjet me Rusinë, duke thënë se nëse konflikti Rusi-Ukrainë përfundon gjatë mandatit të tij, ai do të bëjë çmos për të rivendosur lidhjet, veçanërisht marrëdhëniet ekonomike, me Rusinë.

“Bashkimi Evropian ka nevojë për Federatën Ruse dhe Federata Ruse ka nevojë, natyrisht, për Bashkimin Evropian,” tha Fico.

(A.A/BalkanWeb)