Skuadra londineze e Tottenahm, arriti të siguronte një 3 pikësh shumë të rëndësishëm, në raundin e dytë të Europa League. Ekipi anglez fiti 1-2 në tansfertë ndaj ekipit hungarez të Ferencvarosh. Golat për miqtë u realizuan nga Sarr dhe Jonson. Ndërsa shkurtimi i diferencave për Ferencavrosh erdhi shumë vonë me Vargan.

Fitore arriti edhe ekipi bask i Athletic Bilbaos, teksa mundën pastër 2-0 holandezët e Az Alkmar. Të dy golat vendimtarë u shënuan gjatë pjesës së dytë, me autorë Inaki Williams dhe Sancet.

Ndërkohë nuk shkoi më shumë se sa një barazim skuadra e Jose Mourinhos Fenerbahçe, me turqit që barazuan 1-1, në transfertën holandeze ndaj Twentes. Vlap realizoi për vendasit në minutën e 29, ndërkohë që barazpesha për ekipin turk, erdhi falë golit të Tadiç 20 minuta nga fundi i sfidës.

Po në barazim 1-1 përfundoi edhe sfida tjetër e zhvilluar në Pragë mes vendasve të Slavias dhe Ajaxit të Amsterdamit. Holandezët realizuan të parët në pjesën e parë me anë të Van Boomen, ndërsa barazimi për Slavian e Pragës erdhi në minutën e 67 falë golit të Chory.