Manchester City triumfoi 3-2 ndaj Fulham, në ndeshjen e vlefshme për kampionatin anglez. Mysafirët nga Londra shënuan të parët me Pereiran, ndërsa Kovacic përmbysi llogaritë. Doku qetësoi tifozët e “Qytetarëve” me golin e tij në të 82-tën. Deri në fundin e sfidës, Fulham realizoi me Muniz, gol që do shërbente vetëm për statistikë.
Arsenal bën detyrën në shtëpi. Gooners mundën 3-1 Southampton, në një ndeshje emocionuese. Archer “tundi rrjetën” për ekipin nga Southampton, ndërsa të besuarit e Artetës kthyen gjithçka në favorin e tyre me golat e Havertz, Martinelli dhe Saka.
Si Manchester City, ashtu edhe Arsenal, kanë të njëjtën kuotë pikësh: 17.
(J.S/BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
