Tre burra shqiptarë të moshës 41, 37 dhe 36 vjeç rrezikojnë secili një dënim efektiv prej 3 vjetësh burg për një sërë vjedhjesh në banesa në Mol, Retie, Kasterlee dhe Oud-Turnhout. Shqiptarët akuzohen për grabitje parash dhe bizhuteri.

Platin B. (41), Paulin Z. (36) dhe Erijon M. (37) dolën të hënën para gjykatës penale në Turnhout për vjedhje të banesave. Hetimi për treshen nisi më 21 shkurt të këtij viti kur policia mori informacion për tre vjedhje në Mol. Një Peugeot 308 që ishte marrë me qira nga Platin B. i identifikua nëpërmjet rrjetit të kamerave ANPR. Në datën 20 shkurt, në Retie kanë ndodhur edhe tre vjedhje, ku ndodhej e njëjta makinë në zonë. Dhe më 24 shkurt, Peugeot kaloi pranë shtëpive në Kasterlee dhe Oud-Turnhout ku ndodhi një vjedhje.

“Më 29 shkurt, policia në Turnhout arriti të identifikonte se Platin B. ishte shoferi dhe dy të pandehurit ishin pasagjerë në makinë”, tha prokurorja publike Ellen De Ketelaere.

Në makinë kishte një kaçavidë, doreza pune dhe dy palë këpucë të pista. Gominat e atyre këpucëve përputheshin me gjurmët e gjetura gjatë një prej vjedhjeve në Retie. ADN-ja e Paulin Z. u gjet gjithashtu në një shtëpi në Kasterlee dhe telefonat celularë të të pandehurve u kapën gjatë vjedhjeve.

Sipas Prokurorisë Publike, ka prova të mjaftueshme për të dënuar të tre me një dënim efektiv prej tre vjetësh. “Kjo ka të bëjë me një bandë hajdutësh të organizuar shqiptarë. Autorët godasin në katin e parë të banesave për të grabitur bizhuteri dhe para të gatshme”, tha prokurori.

Kompania e sigurimeve e njërës prej viktimave të vjedhjeve ka kërkuar kompensim prej 14,463 euro dhe një viktimë tjetër ka kërkuar kompensim të përkohshëm prej 10,000 euro.

Gjykata do të japë vendimin më 21 tetor.