Florida është në gatishmëri të lartë pasi uragani “Milton” po i afrohet bregut perëndimor të shtetit, duke sjellë rreziqe serioze për herë të dytë në më pak se dy javë, pas shkatërrimit të shkaktuar nga uragani “Helen”.
Sipas NHC “Milton” është stuhia “më e keqe” që ka goditur zonën Tampa në më shumë se 100 vjet.
Guvernatori i Floridës Ron DeSandis u bëri thirrje banorëve të përgatiten për një stuhi “të egër”, duke e quajtur atë uraganin më të fortë që ka goditur Gjirin e Meksikës që nga viti 2005. “Le të përgatitemi për më të keqen dhe të shpresojmë që të dobësohet. ”
“Unë mund ta them këtë pa asnjë ndjenjë drame: Nëse zgjidhni të mos shkoni në një nga zonat e evakuimit, do të vdisni”.
“Milton” tani është një uragan të kategorisë 5, me erëra deri në 350 km/h dhe pritet të zbresë në zonën e Gjirit Tampa të mërkurën.
Deri më tani, të paktën nëntë qarqe kanë lëshuar urdhra të detyrueshëm evakuimi dhe autoritetet po u kërkojnë banorëve që të respektojnë thirrjet pa vonesë. Kryebashkiaku i Tampa, Jane Castor dha një paralajmërim të ashpër: “Nëse vendosni të mos shkoni në këto zona evakuimi, ai vendim mund t’ju kushtojë jetën tuaj.”
Mëngjesin e të martës cikloni kaloi bregun verior të Gadishullit Jukatan në Meksikë, me erëra të forta dhe një stuhi kërcënuese.
Parashikuesit paralajmërojnë se stuhia mund të forcohet më tej ndërsa shkon drejt Floridës dhe efektet e saj mund të ndikojnë në një pjesë të madhe të bregut perëndimor të shtetit. Zona e Gjirit Tampa, e cila është veçanërisht e ndjeshme ndaj përmbytjeve dhe stuhive, nuk është goditur drejtpërdrejt nga një uragan në më shumë se një shekull.
Guvernatori DeSandis paralajmëroi se banorët duhet të finalizojnë planet e evakuimit sa më shpejt që të jetë e mundur, pasi nuk ka asnjë garanci se si do të zhvillohet moti të mërkurën.
Ndërkohë, trafiku në autostradë është rritur në masë pasi banorët largohen nga zona. Ndërkohë, disa parqe tematike në Florida, si Disney World dhe Universal Orlando, mbeten të hapura, ndërsa të tjerët tashmë kanë njoftuar mbyllje të përkohshme.
Agjencia Federale e Menaxhimit të Emergjencave (FEMA) po përballet me mungesa të mëdha të personelit pasi tashmë është mobilizuar në pjesë të ndryshme të SHBA-së për shkak të fatkeqësive natyrore të fundit. Me më pak se 10% të stafit të saj në dispozicion, aftësia e FEMA për t’iu përgjigjur në mënyrë efektive sfidave të reja që sjell “Milton” është në pikëpyetje.
Situata është kritike dhe Florida i kërkohet të përgatitet për një stuhi potencialisht shkatërruese.
“Helen”, e cila goditi rreth 100 milje në veri të Tampës muajin e kaluar, shkaktoi stuhi historike, duke shkatërruar qindra shtëpi dhe duke vrarë më shumë se 12 njerëz, shumë prej tyre të moshuar që nuk u evakuuan në kohë.
Sasi të mëdha mbeturinash janë ende nëpër rrugë dhe lagje. Guvernatori DeSandis urdhëroi vendet e deponimit të qëndrojnë të hapura 24 orë në ditë për të hequr sendet e rrezikshme përpara se “Milton” t’i kthente ato në “raketa”.
“Ne duhet të përballemi me një problem shumë serioz me dy stuhi të mëdha që vijnë njëra pas tjetrës”, tha ai.
Banorët e Gjirit të Tampa, të cilët nuk e kishin evakuuar zonën gjatë “Helen”, tani po bëjnë plane për të evakuuar.
Në Pinellas County, 83-vjeçari Mike Tutko, i cili nuk u largua gjatë “Helen”, tha se “të gjitha ato mbeturina në rrugë do të kthehen në predha me erëra 120 milje në orë”. Këtë herë, ai planifikon të transferohet në një zonë më të sigurt.
Situata është veçanërisht e vështirë për banorët e moshuar dhe ata që jetojnë në shtëpi pleqsh. Dhjetëra autoambulanca janë gati të ndihmojnë në evakuimin e grupeve vulnerabël, pasi Tampa është shtëpia e një numri të madh banorësh të moshuar, gjë që ndërlikon procedurat e evakuimit.
Aeroporti Ndërkombëtar i Tampës ishte i mbushur me turistë që përpiqeshin të largoheshin, si dhe banorë që kërkonin makina me qira për tu larguar nga qyteti, ndërsa automjetet e tyre u shkatërruan nga “Helen”. Rrugët u bllokuan dhe trafiku u dyfishua.
