Presidenti i Turqisë Rexhep Tajip Erdogan ka folur për mediat turke pas vizitës së tij në Tiranë, ku inauguroi xhaminë e Namazgjasë.
Erdogan tha për mediat turke se në Tiranë ka konfirmuar miqësinë e palëkundur mes popullin turk dhe atij shqiptar. Presidenti turk tha se në kuadër të vizitës, ka vlerësuar marrëdhëniet dypalëshe në fushën politike dhe ushtarake me Presidentin e Shqipërisë, Bajram Begaj. Ai tha se edhe marrëveshjet e nënshkruara kanë një vlerë të veçantë dhe do sigurojnë avancimin në një sërë fushash.
“Përshëndetjet e kombit tonë të dashur u përcollëm vëllezërve tanë në Shqipëri, që ishte ndalesa e parë e vizitës sonë. Ne patëm konsultime të gjera me mikun tim të dashur, Kryeministrin Edi Rama, me rastin e mbledhjes së dytë të Këshillit tonë të Bashkëpunimit të Nivelit të Lartë. Krahas deklaratës së përbashkët, konfirmuam natyrën e palëkundur të miqësisë Turqi-Shqipëri me dokumentet që nënshkruam në fushën e arsimit të lartë, bujqësisë, marrëdhënieve me publikun dhe medias. Gjatë takimeve tona, ne theksuam edhe një herë vendosmërinë tonë për të luftuar bashkërisht organizatat terroriste, veçanërisht FETO-n. Në kuadër të vizitës sime, ne vlerësuam marrëdhëniet tona në fushën politike dhe ushtarake me Presidentin e Shqipërisë, Bajram Begaj.
Pas këtyre takimeve, së bashku me mikun tim të dashur, Kryeministrin e Shqipërisë, Edi Rama, hapëm Xhaminë e Namazgjasë, xhaminë më të madhe në Ballkan, e ndërtuar në Tiranë nga Kryesia jonë e Çështjeve Fetare dhe Fondacioni ynë Diyanet. Ndërsa Xhamia e Namazgjasë do të ofrojë mundësi shtesë për vëllezërit tanë myslimanë për të falur namazin e tyre, ajo do të funksionojë edhe si qendër kulturore. Dëshiroj t’i falënderoj të gjithë dhe të gjitha institucionet tona që kontribuuan në hapjen e xhamisë sonë, e cila është një vepër simbolike në çdo aspekt me arkitekturën, vendndodhjen, kapacitetin për 8 mijë banorë dhe objektet e tjera. Me këtë rast patëm rastin të diskutonim në detaje çështjet që lidhen me industrinë e mbrojtjes me kryeministrin e Shqipërisë, Edi Rama. Ne patëm mundësinë të hidhnim një hap bashkëpunimi mes Turqisë dhe Shqipërisë në fushën e industrisë së mbrojtjes”, tha kreu i Turqisë, Erdogan./Hurriyet/
