Kreu i Partisë Republikane, Fatmir Mediu, në një lidhje skype në News24, foli në lidhje me krijimin e partisë së re “Djathtas 1912”.

Ai u shpreh se me pluralizmin opozitar, po shkatërrohet pluralizmi politik, ndërsa theksoi se opozita nuk po tejkalon dot veten në mënyrë që të vërë të parin interesin e shqiptarëve.

Mediu u shpreh se e vetmja mënyrë për të rrëzuar këtë qeveri që e quajti të korruptuar, është bashkimi.

“Me pluralizmin opozitar, po shkatërrohet pluralizmi politik

Një opozitë e bashkuar është e vetmja rrugë për t’u përballur me një qeverisje të korruptuar e që manipulon zgjedhjet.

Nuk po tejkalojmë dot veten, duke mos vënë përpara interesin e shqiptarëve”, tha ai.