Të shtunën në mbrëmje luhet sfida më e fortë e kësaj jave në Serinë A, ajo mes Juventusit dhe Lazios. Në Torino, të besuarit e Mottës do të tentojnë fitoren, për të mos humbur terren me Napolin kryesues.

Një sfidë e veçantë kjo për Igor Tudor, i cili ka qenë ish lojtar i Juventusit dhe ish trajneri i Lazios. Lidhur me këtë sfidë dhe se cilët janë sipas tij pretendentët për titull këtë sezon, ai u shpreh:

“Nuk i’a lejoj vetes të jap këshilla për asnjërin nga trajnerët. Vlahoviç është një sulmues i rëndësishëm, ai mund të realizojë 25-30 gola në sezon, pavarësisht se humbet shumë gjatë një ndeshje. Pretendentët për titull? Inter ka një avantazh të lehtë me Milanin. Më pas vijnë Juventus dhe Napoli”, theksoi Tudor.